អាវុធហត្ថរាជធានីភ្នំពេញ បញ្ជូនចោរឆក់ ០២នាក់ ទៅតុលាការ
06-February-2020 | ដោយ ពលមនសិការ
ភ្នំពេញ៖ ចោរឆក់ ០២នាក់ ដែលកម្លាំងល្បាតមូលដ្ឋានអាវុធហត្ថខណ្ឌដូនពេញ ឃាត់ខ្លួនបាន កាលពីថ្ងៃទី០៣ ខែកុម្ភៈ ឆ្នាំ២០២០ វេលាម៉ោង០៣នឹង៣៨ទៀបភ្លឺ នៅចំណុចមុខវត្តឧណ្ណាលោម ផ្លូវព្រះស៊ីសុវត្ថិ សង្កាត់ជ័យជំនះ ខណ្ឌដូនពេញ រាជធានីភ្នំពេញ បន្ទាប់ពីពួកគេបានធ្វើសកម្មភាពឆក់កាបូបស្ពាយពីស្ត្រីជនជាតិចិននោះ ត្រូវបានសមត្ថកិច្ចជំនាញនៃការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ បញ្ជូនទៅតុលាការ ដើម្បីផ្តន្ទាទោសតាមច្បាប់ នាព្រឹកថ្ងៃទី០៦ ខែកុម្ភៈ ឆ្នាំ២០២០ ក្រោយពីសាកសួរ និងកសាងសុំណុំរឿង រួចរាល់ តាមចម្លើយជាក់ស្តែងរបស់ពួកគេនៅចំពោះមុខសមត្ថកិច្ចអាវុធហត្ថ។
ជនសង្ស័យទី១-ឈ្មោះ ចាន់ រ៉ាវុធ ហៅគី ភេទប្រុស អាយុ២១ឆ្នាំ, ទី២-ឈ្មោះ ចយ យក្ស ភេទប្រុស អាយុ ១៧ឆ្នាំ
ជនសង្ស័យទាំង ០២នាក់ ខាងលើ បានប្រាប់បន្ថែមឲ្យដឹងទៀតថា កន្លងមកធ្លាប់ធ្វើសកម្មភាពឆក់ទូរស័ព្ទពីជនបរទេសបានសម្រេចម្តងមកហើយ នៅមុខវត្តឧណ្ណាលោម និងធ្លាប់ប្រើប្រាស់គ្រឿងញៀនរយៈពេល ០១ខែមកហើយដែរ៕
ចំនួនអ្នកទស្សនា
- ថ្ងៃនេះ2631
- ម្សិលមិញ15681
- សប្តាហ៍នេះ61471
- ខែនេះ83351
- ឆ្នាំនេះ83351
- សរុប20525807